Jama’a sun yi tururuwa suna dibar ganimar man dizel yayin da tankar mai ta faɗi a Legas
Tanka mai ɗauke da dizal ta kife a gadar Tincan Liverpool da ke yankin Apapa a jihar Legas, inda wasu mazauna unguwa da masu wucewa suka rika kwashe man da ya zube.
Ƴansandan Legas Sun Kama Mutum Biyar Bisa Zargin Shirya Garkuwa ta Ƙarya Don Yaudarar Iyayen Ɗalibi
Gwamnatin Tarayya Ta Janye Shirin Karɓar Harajin 15% Kan Man Fetur da Dizel
Majalisar Wakilai Ta Tsaurara Dokar Zaɓe, Ta Sanya Hukunci Mai Tsanani Kan Saye da Sayar da Kuri’u
Lamarin ya faru da sassafe a ranar Litinin a lokacin cunkoson safiya. Shaidun gani da ido sun ce jami’an kula da zirga-zirga ba su kai wurin nan take ba.
Hukumar Kula da Zirga-zirgar Ababen Hawa ta Jihar Legas (LASTMA) ta ce an rufe gadar na ɗan lokaci, amma daga baya an sake buɗe ta bayan jami’an kashe gobara sun rage haɗarin man da ya zube.
Hukumar ta ƙara da cewa zirga-zirga na inganta yayin da ake jiran motar ɗaukar tankar.
Hukumar ta kuma gargadi jama’a kan haɗarin irin wannan hali, tana tunatar da mummunan sakamakon da ya faru a baya a sassan ƙasar, inda mutane da dama suka rasa rayukansu yayin ƙoƙarin kwashe mai daga tankoki da suka kife.
