An tabbatar da cewa Janar Uba, kwamandan Rundunar Damboa, ya rasa ransa a hannun ‘yan ta’addan ISWAP bayan awanni da aka ruwaito ya bace cikin daji.
A cewar majiyoyin soja da suka fitar da bayanin, kwamandan ya yi wani bidiyo a baya yana cewa yana cikin koshin lafiya.
“Yana lafiya,” in ji su, suna bayanin cewa an yi bidiyon ne kafin rai ya yi halinsa.
Sai dai, bayan wasu awanni, rahotanni suka nuna cewa ya rikice yayin da yake yawo cikin dajin, kamar yadda Daily Post ta ruwaito.
Sojojin da ke ƙasa da tawagar jiragen sama sun yi ƙoƙari da dama domin ceto shi.
Kwamandan ya shaida musu cewa yana kan hanyarsa ta koma wa sansani, lamarin da ya sa ake sa ran za a ceto shi cikin gaggawa.
Daga baya ‘yan ta’addan suka sake cafke shi bayan yada rahoton sace shi da ya bazu a kafafen sada zumunta.
Daga bisani aka tabbatar da mutuwarsa.
A tuna cewa rundunar sojan ta bayyana a baya cewa ya koma sansani. Mutuwarsa yanzu ta haifar da tambayoyi masu muhimmanci game da gaskiyar rundunar soja wajen kula da lafiyar mutanensu da ke filin daga.
